மாகாண சபைகளுக்கான அதிகாரப் பகிர்வு குளப்பங்கள்
கன்னியா வெந்நீரூற்றுக்கருகில் விகாரை அமைக்க ஒரு ஏக்கர் காணி!கடற்படையினர் முகாம் அமைக்க தலைமன்னாரில் காணி சுவீகரிக்க திட்டம்
இராவணேசன் புகழ்கொண்டதும் இந்து க்களின் புராண இதிகாசங்களுடன் தொடர்பு கொண்டதுமான கன்னியா வெந்நீரூற்றுக்கு நேரே பின்புறம் 'விகாரையொன்றை அமை ப்பதற்கு வில்கம் ரஜமஹா விகாரை பிரத மகுரு கேட்டுக்கொண்டதற்கு அமைய சுமார் 0.4120, ஹெக்டர் காணியை வழங்க கொழும்பு காணி ஆணையாளர் நாயகம் மாகாண காணி ஆணையாளருக்கு அனுமதி வழங்கியதன் பேரில் மேற்படி காணி பௌத்த விகாரை நிறுவhகத்திடம் ஒதுக்கப்பட்டுள்ளது.
இந்த விகாரை இந்துக்கள் தமது ஈமக்கிரியைகளை செய் யும் மடம் அமைந்திருக்கும் இடத்துக்கு அருகிலும் வெந்நீர் ஊற்றுக்கு நேரடியாக அருகிலும் அமைக்கப்படவுள்ளது. இங்கு தொன்மைமிக்க சிவன் ஆலயமொன்று இருப்பதுடன் இஸ்லாமியர்களை அடையாளப்படுத்தும் சமாதியொன்றும் இருக்கின்ற நிலையிலேயே இவ்விகாரை அமைக்கப்படவிருக்கிறது.
தொல்பொருள் ஆய்வு என்ற காரணங்கள் காட்டப்பட்டு இவ்வாறு மேற்கொள்ளும் நடவடிக்கைகள் இந்துக்களின் மனங்களைப் புண்படுத்தும் செயலென்றும் விசனம் தெரிவிக்கப்படுகின் றது.
இவ்விகாரையை நிறுவுவதுடன் பல நூறு வருடங்களாக பாவனையில் உள்ள பாதையை மாற்ற திட்டமிட்டிருப்பதாகவும் தெரியவருகிறது. விகாரையை தரிசித்த பின்பே கிணற்றில் நீராடக்கூடிய விதத்திலும் இப்பாதை அமைக்கப்படவிருப்ப தாகவும் இதுவரை காலமும் கிணற்றை நேரடியாக அடையக்கூடியதாக இருந்த பாதை தற்பொழுது விகாரையை முதன்மை ப்படுத்தி அமைக்கப்பட விருப்பதாகவும் தெரிவிக்கப்படுகிறது.
கடற்படையினர் முகாம் அமைக்க தலைமன்னாரில் காணி சுவீகரிக்க திட்டம்
தலைமன்னார் பியர் பிரதேசத்தில் இலங்கை கடற்படையினர் முகாம் அமைப்பதற்காக சுமார் முப்பது ஏக்கர் காணி சுவீகரிக்கப்படவுள்ளதாக வவுனியா மன்னார் மாவட்ட காணி உத்தியோகத்தர் அறிவித்துள்ளார்.
இந்தக் காணியின் வடக்கு பகுதி கடல் எல்லையையும் கிழக்கு ரயில் நிலைய வீதியையும் தெற்கு சேமக்காலையையும்மே கடற்படையினர்...
தெரிவிக்கப்படுகிறது. கடற்படையினரின் தம்பன்னா படையணியை அமைப்பதற்காகவே இக்காணி சுவீகரிப்பு மேற்கொள்ளப்படுவதாகவும் கூறப்படுகிறது. இக்காணிக்கு மன்னார் மறைமாவட்ட ஆயர் அதி.வண.இராயப்பு ஜோசப் ஆண்டகை உரிமை கோரி நிற்பதாகவும் தெரிவிக்கப்பட்டுள்ளது.
அதேவேளை இக்காணியில் பழைமை வாய்ந்த கத்தோலிக்க திருச்சபைக்குரிய தலைமன்னார் பியர் கிறிஸ்தவ மக்களின் புனித சகாய மாதா ஆலயமும் ஆயரால் முன்பு பகிர்ந்தளிக்கப்பட்டு 1990 க்கு முன்பு சுமார் அறுபது குடும்பங்கள் குடியிருந்த காணியுமே தற்பொழுது சுவீகரிக் கப்படவுள்ளதாக அப்பகுதி மக்கள் கவலை தெரிவிக்கின்றனர்.
0 comments:
Post a Comment